Nata e dytë në suitë, u shoqërua sërish me momente romantike mes çiftit Luiz Ejlli dhe Kiara Tito, të cilët prej të shtunës mbrëma janë të ndarë nga pjesa tjetër e shtëpisë.
Gjatë qëndrimit të tyre në suitë, në këtë natë të dytë, nuk munguan bisedat, lojërat, batutat, të qeshurat, puthjet dhe përqafimet. Por duket se moderatorja nuk e ka duruar dot gërhimën e këngëtarit dhe ka shkuar që të flejë te krevati i saj.
Ndërkohë kujtojmë se kjo është nata e fundit që ata të dy do flenë në suitë, pasi qëndrimin e aty e kishin vetëm për 3 net.
Ishte Kiara ajo që i kërkoi Vëllait të Madh si dëshirë një suitë për të dhe partnerin e saj. Dëshira e saj u plotësua, pasi ajo ishte një nga fitueset e lojës së imitimeve.
