Presidenti i Serbisë, Aleksandër Vuçiç, ka zhvilluar sot një takim me presidentin e Francës, Emmanuel Macron.
Për mediat presidenti serb zbardhi takimin ku tha se në fokus të bisedimeve ishin hapat e mëtejshme drejt ruajtjes së paqes dhe stabilitetit në rajon.
“Shpreha shqetësimin tim për përshkallëzimin e fundit të dhunës në ‘Kosovë dhe Metohi’ dhe e falënderova për qëndrimin dhe mbështetjen e vendosur ndaj Serbisë, në lidhje me zhvillimet e fundit në “Kosovë dhe Metohi’”, tha Vuçiç.
Gjatë një deklarate të bërë më herët, Macron bëri përgjegjëse autoritetet e Kosovës për tensionet në veriun e vendit të banuar me shumicë serbe.
